विराटनगर, १२ असार। नेपाल राष्ट्र बैंकले आज बिहीबारका लागि सार्वजनिक गरेको विदेशी मुद्राको विनिमय दरमा विभिन्न मुद्राहरूको भाउमा उतारचढाव देखिएको छ।
आज युरोपियन युरो, बेलायती पाउण्ड स्टर्लिङ र स्विस फ्र्यांकको मूल्यमा वृद्धि भएको छ भने अष्ट्रेलियन र क्यानेडियन डलरको भाउमा सामान्य गिरावट आएको छ।
राष्ट्र बैंकका अनुसार युरोपियन युरोको खरिददर आज १५९ रूपैयाँ ४९ पैसा पुगेको छ भने बिक्रीदर १६० रूपैयाँ १८ पैसा पुगेको छ। हिजोको तुलनामा यो दर केही बढेको हो।
त्यस्तै, पाउण्ड स्टर्लिङको खरिददर १८७ रूपैयाँ र बिक्रीदर १८७ रूपैयाँ ८२ पैसा पुगेको छ। हिजो यो दर क्रमशः १८६ रूपैयाँ ९१ पैसा र १८७ रूपैयाँ ७३ पैसा थियो।
स्वीस फ्र्यांकको मूल्य पनि आज बढेको छ। आज खरिददर १७० रूपैयाँ ३६ पैसा र बिक्रीदर १७१ रूपैयाँ १० पैसा कायम भएको छ, जुन हिजोको तुलनामा बढी हो।
उता अष्ट्रेलियन डलर भने घटेको छ। आज यसको खरिददर ८९ रूपैयाँ २७ पैसा र बिक्रीदर ८९ रूपैयाँ ६६ पैसा रहेको छ। हिजोको दरभन्दा यो केही कम हो।
क्यानेडियन डलरको खरिददर १०० रूपैयाँ ०७ पैसा र बिक्रीदर १०० रूपैयाँ ५१ पैसा कायम भएको छ।
यस्तै, अमेरिकी डलरको विनिमय दरमा सामान्य बढोत्तरी देखिएको छ। आज खरिददर १३७ रूपैयाँ ४३ पैसा र बिक्रीदर १३८ रूपैयाँ ३ पैसा पुगेको छ।
विदेशी मुद्रा विनिमय दरमा आएको यस्तो हेरफेरले आयात–निर्यात, रेमिट्यान्स र विदेशी कारोबारमा प्रत्यक्ष प्रभाव पार्ने विश्लेषणकर्ता बताउँछन्।
