विराटनगर, ७ जेठ– नेपाल राष्ट्र बैंकले बुधबारका लागि सार्वजनिक गरेको विनिमय दर अनुसार अमेरिकी डलरको भाउमा सामान्य वृद्धि देखिएको छ। राष्ट्र बैंकका अनुसार बुधबार अमेरिकी डलरको खरिददर १३६ रुपैयाँ ७२ पैसा र बिक्रीदर १३७ रुपैयाँ ३२ पैसा पुगेको छ। मंगलबारको तुलनामा खरिददर ३७ पैसा र बिक्रीदर ३७ पैसा बढेको हो।
अन्य प्रमुख मुद्राको विनिमय दरमा उल्लेखनीय परिवर्तन भने देखिएको छैन। युरोपियन युरोको खरिददर १५३ रुपैयाँ ७९ पैसा र बिक्रीदर १५४ रुपैयाँ ४६ पैसा छ भने, बेलायती पाउण्डको खरिददर १८२ रुपैयाँ ८१ पैसा र बिक्रीदर १८३ रुपैयाँ ६१ पैसा कायम छ।
स्वीस फ्रयाङ्कको खरिददर १६४ रुपैयाँ ०५ पैसा र बिक्रीदर १६४ रुपैयाँ ७७ पैसा तोकिएको छ।
अष्ट्रेलियन डलर ८७ रुपैयाँ ७१ पैसा खरिददर र ८८ रुपैयाँ ०९ पैसा बिक्रीदरमा कारोबार भइरहेको छ। क्यानेडियन डलरको खरिददर ९८ रुपैयाँ ०५ पैसा र बिक्रीदर ९८ रुपैयाँ ४८ पैसा छ।
एशियाली मुद्रामा जापानी येन १० को खरिददर ९ रुपैयाँ ४६ पैसा र बिक्रीदर ९ रुपैयाँ ५० पैसा रहेको छ भने चिनियाँ युआनको खरिददर १८ रुपैयाँ ९४ पैसा र बिक्रीदर १९ रुपैयाँ ०२ पैसा कायम छ।
यसैगरी, भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा कायम छ।
राष्ट्र बैंकले विनिमय दर आवश्यकतानुसार कुनै पनि समयमा परिमार्जन गर्न सकिने जनाएको छ। वाणिज्य बैंकहरूले भने यसमा केही अन्तर ल्याउन सक्नेछन्।
